Porsche

Porsche hefur hannað nýja rafaflrás fyrir Cayenne S Hybrid sem gegnir bæði hlutverki rafmótora sem knýja bílinn áfram og rafals sem framleiðir raforku. Rafaflrásin er tengd 240-sellu nikkel málm-hýdríð rafgeymum sem eru staðsettir undir farangursrými bílsins. Kerfinu stjórnar svokallaður Hybrid Manager sem er tölvukerfi nægilega öflugt til að stýra farþegaflugvél. Í Cayenne S Hybrid meðhöndlar tölvan þrisvar sinnum fleiri gögn en eðlilegt teldist í bíl með hefðbundnum brunahreyfli, eða um 20.000 breytur í stað u.þ.b. 6.000 breyta sem nægja til þess að tryggja eðlilegan gang bensínvélar með réttum kveikjutíma og innsprautunarferli. Til þess verður líka að líta að aflrásir Cayenne S Hybrid fela í sér fimm mismunandi akstursstillingar.