SOS og Volt á Bessastöðum

SOS Barnaþorpin eru sjálfstæð alþjóðleg barnahjálparsamtök sem veita munaðarlausum og yfirgefnum börnum heimili, móður, uppeldi og menntun, ásamt því að styðja barnafjölskyldur í neyð.

Bílabúð Benna hefur átt í afar ánægjulegu samstarfi við SOS Barnaþorpin á Íslandi og lagt starfseminni lið í gegnum tíðina, m.a. með styrkjum sem runnið hafa til skóla og heilsugæslu í Gambíu.

Samstarfið má rekja til þess að bílaframleiðandinn Chevrolet ákvað, í tilefni af 100 ára afmæli sínu árið 2011, að gefa SOS Barnaþorpunum 100 bíla af öllum stæðum og gerðum. Alþjóðaforseti SOS Barnaþorpanna, Siddhartha Kaul, var í heimsókn hér á landi nú á dögunum. Samtökin leggja mikla áherslu á umhverfismál t.d. með því að nota vistvæna orku í stað jarðefnaeldsneytis í barnaþorpunum.

Okkur hjá Bílabúð Benna þótti því ekki annað koma til greina en að hann ferðaðist um á rafdrifnum Volt við öll tækifæri í heimsókninni í fylgd Ragnars Schram framkvæmdastjóra SOS Barnaþorpa á Íslandi.