Velheppnuð Opel og Chevrolet bílasýning

Mikill fjöldi lagði leið sýna á bílasýningu Bílabúðar Benna við Nethamra í Vestmannaeyjum um nýliðna helgi, þar sem sýndir voru bílar frá Opel og Chevrolet.

Hin rúmgóði 7 manna sportjeppi, Chevrolet Captiva vakti mikla athygli ásamt hinum litla og spræka Chevrolet Spark. Þetta var svo í fyrsta sinn sem öll Opel vörulínan var sýnd í Vestamannaeyjum og má segja að Hún hafi fallið vel að smekk Eyjamanna. „Opel og Chevrolet bílarnir vöktu verðskuldaða athygli á sýningunni, margir fóru í reynsluakstur og sýningargestir voru almennt mjög ánægðir með vörulínuna.“ segir Sigurvin Jón Kristjánsson, söluráðgjafi hjá Bílabúð Benna.