Mikil söluaukning í atvinnubílum frá Opel

Skráning nýrra atvinnubíla frá Opel jókst um 25% á fyrri helmingi þessa árs. Það samsvarar 4.03 % markaðshlutdeild á Evrópumarkaði

„Þessi frábæri árangur er klár vísbending um vel heppnaðar aðgerðir sem hafa snúist um að sníða bílana að ýtrustu kröfum markaðarins,“ segir Steffen Raschig, rekstrarstjóri þróunardeildar atvinnubíla hjá Opel. „Frumsýningar okkar á nýjum Movano og Vivaro hafa leitt söluaukninguna og gefa góðar væntingar um framhaldið,“ segir Steffen.

Á heildina litið jólst salan í yfir 22 löndum Evrópu og skera Noregur og Portúgal sig úr ásamt stærstu mörkuðunum í Þýskalandi og Bretlandi.

„Atvinnubílarnir hafa verið að koma sterkir inn í Opel línuna hjá okkur og við finnum fyrir miklum áhuga,“ segir Benedikt Eyjólfsson hjá Bílabúð Benna. „Þetta eru fjölhæfir vinnuþjarkar sem fara sérlega vel með varninginn og bílstjórann, þeir byggja líka á frábæru orðspori í umhverfislegu tilliti og svara því þörfum hinna kröfuhörðustu í dag.“