Öflugusta hraðhleðslustöð landsins opnuð

Bílabúð Benna hefur sett upp öflugustu hraðhleðslustöð landsins við höfuðstöðvar fyrirtækisins að Krókhálsi 9 og var hún vígð föstudaginn 29. október af Þórdísi Kolbrúnu Reykfjörð Gylfadóttur, ferðamála- iðnarar og nýsköpunarráðherra.

Þessi ofur hraðhleðslustöð skilar allt að 350 kW sem er töluvert öflugri en bestu stöðvar annara aðila hér á landi. Með þessari nýju hraðhleðslustöð tekur aðeins 5 mínútur að hlaða 100 kílómetra, sem er algjör þáttaskil í hleðslutíma.

Rafbílaeigendur geta komið á Krókháls 9 og hlaðið bíla sína og í leiðinni uppgötvað hversu auðvelt og fljótlegt það er að hlaða rafbíl í slíkri stöð. Upplifun rafbílaeigenda á að vera sambærileg við að fara á bensínstöð og fylla á bílinn áður en haldið er á stað úr bænum.