Drulluflottur Spark í Mýrarboltaleik Rásar 2

Rás 2 stóð fyrir Mýrarboltaleik samhliða Mýrarboltamótinu á Ísafirði um verslunarmannahelgina í sumar. Í fyrstu verðlaun voru frí afnot af Chevrolet Spark frá Bílabúð Benna. Dregið var úr nöfnum þátttakenda á mótinu. Sú heppna heitir Karen Inga Viggósdóttir og er vel að verðlaununum komin, enda keppti hún með hressum félögum frá Hofsósi í liði sem hét Böllabræður.

Karen stundar nám í félagsráðgjöf við í Háskóla Íslands. Hún tók við verðlaununum í Chevrolet salnum nú á dögunum. Karen sér fram á þægilegri tilveru með vinum sínum í borginni næstu mánuðina – með drulluflottan Spark á kantinum.

Karen Inga Viggósdóttir tekur við fyrstu verðlaunum í Mýrarboltaleik Rásar 2 úr hendi Halldórs Gunnlaugssonar söluráðgjafa Chevrolet hjá Bílabúð Benna