Chevrolet í heila öld

Opinber 100 ára afmælisdagur Chevrolet er þriðji nóvember. Chevrolet hefur fagnað tímamótunum með margvíslegum hætti allt árið, m.a. með veglegum framlögum til samfélags- og góðgerðarmála víða um heim.

Á afmælisdaginn afhendir Chevrolet SOS Barnaþorpum síðasta bílinn af þeim 100 sem gefnir hafa verið til þessara sjálfstæðu barnahjálparsamtaka. Á afmælisdaginn hefst og sala á Volt, fyrsta langdræga rafmagnsbílnum, til neytenda í Evrópu.

Rafmagnaður Volt er væntanlegur til Íslands í byrjun næsta árs. Hér heima hefur Bílabúð Benna, umboðsaðili Chevrolet, verið stuðningsaðili SOS Barnaþorpa á Íslandi og látið ákveðna upphæð af andvirði hvers selds bíls, á afmælisárinu, renna til starfseminnar. Laugardaginn, 5. nóvember, bíður Bílabúð Benna gestum og gangandi að fagna tímamótunum í Chevrolet salnum á Tangarhöfða. Þar verður boðið upp á afmælistilboð með nýjum bílum, frumsýningar og afmæliskaffi.